Tulis Tanpo Papan

Jalmo Menungso …. !!?? Kang gumelar ana ing ngarepmu iku rupa kitab rupa crita bab jagad bab kowe kelawan aku bab kawula kelawan Gusti .....

Nyawanga… Ilining banyu – Miliring angin – Urubing geni  .......... Nyawanga… Abure peksi – kelike wulung  - Kepake pitik – Kluruke sawung – Kedepe kartika – abure mega Kabeh pada nyarita nganggo ukarane dewe-dewe 

Tetesing bun kang nyarita bab uleging samudra pletiking latu kang nyarita bab gebyaring Baskara  ... kabeh kuwi rupa Sastra Jendra ….  kabeh kuwi rupa Sastra Jendra  ......... Yen siro bisa mangerteni unening sandhi kang ana swalike gatra rupa basa kang tanpa ukara siro pranyata dipalilahi ngawuningani Kasunyatan ing Jagad iki ..........

Yen sliramu ngunandika bab rasa pangrasa tamtu mbok woco tanpa tembung. Sabab awit ing kana tan ana basa kang bisa gadug mbabarake isining ati mangkonoa uga Sang Jagat Nata denya ndedongeng – wewuruk lan wewarah sadengah rupa – apa bae – sakabehane kawedar ake tanpa ukara  .......

Awit meneng kuwi dudu bisu… meneng kuwi dudu bisu ..... sanadyan ana sawiji wiji ing sawenehing pitakonmu wus cumepak wangsulane ma ewu ewu nanging ora maido yen durung ka babar jer ora sadengah pawongan gadug mangerteni tetembung “ nyata ing kalimput ” kang kinira wadi ...